Facebook ჰოლოკოსტის უარყოფის შესახებ კონტენტს წაშლის. სოციალური ქსელების გიგანტი აცხადებს, რომ მათი ახალი პოლიტიკა კრძალავს ნებისმიერ კონტენტს, რომელიც უარყოფს ან ამახინჯებს ჰოლოკოსტის ისტორიას.

როგორც კომპანიაში აცხადებენ, გადაწყვეტილება მას შემდეგ მიიღეს, რაც დოკუმენტურად დადასტურდა, რომ მსოფლიოში ანტისემიტიზმმა იმატა. ამასთან, სოციალურ ქსელს მაგალითად მოჰყავს გამოკითხვა, სადაც 18-39 წლის მონაწილეთა მეოთხედს ჰოლოკოსტი მითი, გადაჭარბებული ამბავი ჰგონია ან მასში დარწმუნებული არ არიან.

ფეისბუქის მფლობელის, მარკ ცუკერბერგის თქმით, იგი "იბრძოდა
სიტყვისა და გამოხატვის თავისუფლებასა და ჰოლოკოსტის საშინელებას შორის, რომელიც მისი უარყოფით გამოწვეულ ზიანს შეიძლება გამოეწვია".

ორი წლის წინ ცუკერბერგმა განაცხადა, რომ მსგავსი შინაარსის პოსტები ავტომატურად არ უნდა იშლებოდეს იმის გამო, რომ ვიღაცები შეცდნენ.

"მე ებრაელი ვარ და არის ხალხის ჯგუფი, რომელიც ჰოლოკოსტის არსებობას უარყოფს. მე ამას ღრმად შეურაცხმყოფელად აღვიქვამ. მაგრამ არ მგონია, რომ ჩვენმა პლატფორმამ ის უნდა ჩახსნას, რადგან არის რაღაცები, რაშიც განსხვავებული ადამიანები ცდებიან", — აღნიშნა მან მაშინ.

მას შემდეგ, რაც ფეისბუქმა პოლიტიკა შეცვალა, ცუკერბერგმა განაცხადა, რომ მისი შეხედულებებიც შეიცვალა.

კონტენტის წაშლის გარდა 2020 წლის ბოლოდან ყველა მომხმარებელს, რომელიც ფეისბუქზე ჰოლოკოსტთან ან მის უარყოფასთან დაკავშირებულ ტერმინებს ეძებს, პლატფორმა სანდო ინფორმაციაზე გადაიყვანს.