ღუდუშაურის სახელობის ეროვნული სამედიცინო ცენტრი, სახელმწიფო პროგრამის ფარგლებში, ფსიქიკური პრობლემების მქონე პაციენტებს აღარ მოემსახურება. თუმცა, კლინიკა ამ სერვისს სხვა პაციენტებს კვლავ სთავაზობს და პროგრამის გარეთ მყოფი პაციენტების მიღება არ გამოირიცხება. ამის შესახებ On.ge-ს სამედიცინო ცენტრის ხელმძღვანელმა, სოსო ბრეგვაძემ განუცხადა.

მისი თქმით, ეს მიმართულება მათთვის ნაკლებშემოსავლიანი იყო, გადაწყვეტილებაც ამ მიზეზით მიიღეს.

„ფსიქიატრიის პროგრამით, სახელმწიფო პოლიტიკა ისახავს მიზნად სახსრების კონცენტრაციას, იმისთვის, რომ გამოიყენოს უფრო ეფექტიანად. კონტრაქტების უფრო ნაკლებ ადგილში კონცენტრირება გამოიწვევს ხარჯების შემცირებას,“- აღნიშნავს კლინიკის დირექტორი, რომელიც ამბობს, რომ ამ სიტუაციის გათვალისწინებით, მათ უარი თქვეს ფსიქიატრიის სახელმწიფო პროგრამაში მონაწილეობაზე.

4 იანვარს ფეისბუკის საშუალებით გავრცელდა ინფორმაცია ღუდუშაურის კლინიკაში ფსიქიატრიული განყოფილების დახურვის შესახებ.