საერთაშორისო სტატუსის მქონე კომპანიებს საგადასახადო შეღავათები დაუწესდებათ. ამაზე პრემიერმინისტრმა, გიორგი გახარიამ მთავრობის სხდომაზე ისაუბრა.

"საგადასახდო შეღავათებზე მუშაობა 2019 წლიდან დავიწყეთ. მაშინ კოდექსში შევიტანეთ ცვლილება.ეს არის მექანიზმი, რომლითაც ის კომპანია, რომელსაც საერთაშორისო მნიშვნელობას მივანიჭებთ, ისარგებლებს შეღავათებით. დაწესდება საშემოსავლო და მოგების გადასახადის შეღავათები და შემცირდება 5 პროცენტამდე", — განაცხადა გიორგი გახარიამ.

მისივე თქმით, საგადასახდო შეღავათები მნიშვნელოვანია პოსტპანდემიურ ეკონომიკურ პირობებში, როცა გლობალური ეკონომიკური კონკურენცია მძაფრი იქნება. გახარიამ აღნიშნა, რომ ამ შეღავათით ქართულ კომპანიებს საშუალება მიეცემათ საერთაშორისო კომპანიის სტატუსი მიიღონ, ასევე, საერთაშორისო კომპანიებს საქართველოდან მუშაობის კომფორტული პლატფორმა შეექმნებათ.

პრემიერმინისტრმა ისაუბრა იმაზეც, რომელი დარგები ისარგებლებენ შეღავათით. მისი თქმით, პირველ რიგში ეს იქნება საზღვაო ბიზნესთან დაკავშირებული კომპანიები და აიტი მიმართულება.