საქართველოს მეოთხე პრეზიდენტი, გიორგი მარგველაშვილი ამომრჩეველს მოუწოდებს, ხმა პატარა პარტიებს მისცენ. მას იმედი აქვს, რომ ის ძალები, რომლებიც არც ქართულ ოცნებასთან და არც ნაციონალურ მოძრაობასთან არ არიან კავშირში, ჯამში ბევრ ხმას აიღებენ და შემდეგ "საინტერესოდ და კარგად დალაგდებიან".

"მე მინდა მოვუწოდო ამომრჩეველს, რომელიც მისმენს და რომელსაც სჯერა ჩემი, მიეცით ხმა იმ პატარა პარტიებს, რომელბმაც ხვალ უნდა შექმნან საქართველოს მომავალი. მიეცით ხმა იმ პარტიებს ამ ორი პოლუსის გარეთ, იცოდეთ თქვენი ხმა არ დაიკარგება. ეს საარჩევნო სისტემა გაძლევთ გარანტიას, რომ თქვენი რჩეული პარტია შევა პარლამენტში და შეცვლის ამ ორპოლუსიანი მარაზმს", — განაცხადა TV პირველის ეთერში მარგველაშვილმა.

მისივე თქმით, პოლიტიკურ სივრცეში მესამე ძალა საკუთარი ხმით ხალხმა უნდა შექმნას.