დაავადებათა კონტროლის ეროვნულიც ცენტრის ხელმძღვანელის, ამირან გამყრელიძის თქმით, ყველა სიცხიანი ადამიანი გრიპის სეზონის დროს იყოს გატესტილი ორივე ინფექციაზე, როგორც გრიპზე, ასევე Covid-19-ზე, რათა მოხდეს დიფერენციალური დიაგნოსტიკა. ამის შესახებ მან საკოორდინაციო საბჭოს დასრულების შემდეგ გამართულ ბრიფინგზე განაცხადა.

"ძალიან დიდი მნიშვნელობა ექნება გრიპის სეზონის თანდართვის დროს სწორად მართვას, მოვუწოდეთ ჩვენ სამედიცინო დაწესებულებებს, რომ გრიპის სწრაფი ტესტები სასურველი იქნება. ასევე, გავაორმაგებთ და გავასამმაგებთ სწრაფი, ანტიგენზე დამყარებული ტესტების შესყიდვას, რათა ყველა სიცხიანი ადამიანი გრიპის სეზონის დროს იყოს გატესტილი ორივე ინფექციაზე დიფერენციალური დიაგნოსტიკისთვის", — განაცხადა გამყრელიძემ.

2 ოქტომბრის მონაცემებით, სულ ქვეყანაში კორონავირუსის 7 093 შემთხვევაა დადასტურებული. აქედან 3 714 ადამიანი უკვე გამოჯანმრთელდა, 46 კი გარდაიცვალა.

კარანტინში 5 392 პირი იმყოფება, სტაციონარში მეთვალყურეობის ქვეშ — 836.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: