კიდევ ერთი სასიამოვნო სიახლე ტექნიკის მოყვარულებს — 6 ოქტომბერს, სითი მოლის საბურთალოს ფილიალში ტექნიკის მაღაზიათა ქსელის, გრანდ ელექტრონიქსის ახალი ფილიალი გაიხსნება.

გრანდ ელექტრონიქსისთვის ეს ფილიალი რიგით მეხუთე იქნება. ბრენდის მაღაზიები განთავსებულია მეგალაინის, ისთ ფოინთის სავაჭრო ცენტრებში, აგრეთვე, გლდანისა და ვარკეთილის რაიონებში.

საბურთალოს სითი მოლში გრანდ ელექტრონიქსი კონცეფციურად სრულიად განსხვავებულ და უფრო თანამედროვე ტიპის მაღაზიას გახსნის.

"ახალი ფილიალის დაგეგმარებისას ჩვენ დავიწყეთ ფიქრი იმაზე, თუ როგორი უნდა იყოს ტექნიკის მაღაზია და რა გამოცდილება უნდა შესთავაზოს მან მომხმარებელს, რომელიც კარგად ერკვევა თანამედროვე ტექნოლოგიებში. ტექნოლოგიები ხომ სწორედ იმისთვის შეიქმნა, რომ ადამიანს კომფორტი შეუქმნას. ჩვენც ამ კონცეფციას გავყევით და თავად ახალი მაღაზია დავაგეგმარეთ ისე, რომ ტექნიკის ყიდვის პროცესი კიდევ უფრო კომფორტული გავხადოთ", — აღნიშნავს კომპანიის მარკეტინგის ხელმძღვანელი, ნინი ნიქაბაძე.

გრანდში ამბობენ, რომ უპიფილიალის შექმნისას უპირატესობა მოხმარებლის წარმატებულ გამოცდილებას მიენიჭა. სხვადასხვა ტიპის ზონებად დაყოფილი ფილიალის მთავარი ამოცანა ისაა, რომ მაქსიმალურად გაუმარტივოს მომხმარებელს სასურველი პროდუქტის მოძებნა და იქვე გამოცდა.

"ჩვენ მივიჩნევთ, რომ ტექნიკის მაღაზია მაქსიმალურად უნდა მოერგოს თანამედროვე ტექნოლოგიებს, ეს ეხება არამხოლოდ იმ პროდუქტს, რასაც მომხმარებელს შევთავაზებთ, არამედ გარემოსაც", — აღნიშნავს ნინი ნიქაბაძე.

ახალი ფილიალი უფრო ციფრული, თანამედროვე და ინოვაციურია. მარტივად და თვალსაჩინოდ დაყოფილი კატეგორიების ზონები; გამოსაცდელი ზონა; კონსულტანტები, რომლებიც თითოეული მიმართულებით პროდუქტების ექსპერტები არიან; პრემიუმ და ბიუჯეტური მოხმარების საერთაშორისო ბრენდები — ამ ყველაფერს მომხმარებელი გრანდ ელექტრონიქსის ახალ ფილიალში 6 ოქტომბრიდან გამოცდის.

მაღაზიაში არაერთ ცნობილ საერთაშორისო ბრენდს იპოვით: TOSHIBA, MIDEA, SHARP, SHIVAKI, Mitsubishi Electric, Warmhaus, Ardesto, Philips და სხვა მრავალი.

სამზარეულოს ტექნიკა, აუდიოსისტემები, მსხვილი ტექნიკა, გათბობა-გაგრილების სისტემები, კომპიუტერები და მობილურები, აქსესუარები — პრემიუმკლასისა და ბიუჯეტური საერთაშორისო ბრენდების ასობით ტექნიკური მოწყობილობა სითი მოლი საბურთალოს გრანდ ელექტრონიქსის დახლებზე 5 ოქტომბრიდან გამოჩნდება.

გარდა ამისა, გრანდ ელექტრონიქსის ფასდაკლებების პარასკევებს მომდევნო კვირიდან უკვე საბურთალოს სითი მოლის ფილიალიც უმასპინძლებს. შეგახსენებთ, რომ 2 ოქტომბერს, გრანდ ელექტრონიქსის ყველა მაღაზიაში განსაკუთრებული ფასები ARDESTO-ს ბრენდის პროდუქტს შეეხება.