შინაგან საქმეთა სამინისტროს ცნობით, სამართალდამცავებმა 1966 წელს დაბადებული და წარსულში ნასამართლევი პირი თაღლითობის ბრალდებით, ზუგდიდში დააკავეს.

უწყება გავრცელებულ განცხადებაში წერს, რომ ბრალდებულმა ოკუპირებული ტერიტორიებიდან იძულებით გადაადგილებულ პირს, განსახლებისა და ლტოლვილთა სამინისტროდან ბინის მიღებაში დახმარების სანაცვლოდ, თაღლითურად გამოართვა 2500 ლარი.

შსს-ს ინფორმაციით, ბრალდებული ჩადენილ დანაშაულს აღიარებს.

გამოძიება საქართველოს სსკ-ს 180-ე მუხლის მე-2 ნაწილის ბ ქვეპუნქტით - დიდი ოდენობით თაღლითობის ფაქტზე მიმდინარეობს.