საქართველოში პურის ფასის გაზრდა არ იგეგმება, მიუხედავად ქვეყანაში არსებული წნეხისა. ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა პალიტრანიუსის ეთერში განაცხადა.

"ჩვენ შევძელით, რომ პურის მარაგები შეგვენარჩუნებინა, მიმდინარე წელს საქართველოში პური არ გაძვირებულა, არცერთი თეთრით. ამაზე სრული პასუხისმგებლობით ვაცხადებ. ამ მომენტში ჩვენ სრულად ვაკონტოლებთ ფასს პურზე. ესაა ყველაზე მგრძნობიარე კატეგორია და მოსახლეობას სრული პასუხისმგებლობით მინდა განვუცხადო, რომ არ ველოდებით ფასების ზრდას, მიუხედავად იმისა, რომ დიდი წნეხია", — განაცხადა ლევან დავითაშვილმა.

ლევან დავითაშვილის თქმით, ქვეყანას მაქსიმალურად აქვს ხორბლის მარაგი, აქედან გამომდინარე, შესაძლებელია, რომ ფქვილის ფასი იყოს სტაბილური და არ ჰქონდეთ მეპურეებს პურის გაძვირების წინაპირობა.