პედაგოგების ანაზღაურების გაზრდა იქნება განათლების სამინისტროს პრიორიტეტი. ეს დაპირება დღეს, ალექსანდრე ჯეჯელავამ გასცა:

"მიხარია, რომ ბოლო წლების განმავლობაში შეგვიძლია ვიამაყოთ იმით, რომ პედაგოგების ანაზღაურება მნიშვნელოვნად გაიზარდა. შეგვიძლია დავპირდეთ პედაგოგებს, რომ შემდგომშიც მათი ანაზღაურებების გაზრდა იქნება ჩვენი პრიორიტეტი."

ჯეჯელავას თქმით, მუშაობა მიმდინარეობს ახალ სახელმძღვანელოებზე, რომლებიც დაიხვეწება შინაარსობრივად და იქნება უფრო მსუბუქი. მისივე თქმით, იქმნება ელექტრონული სახელმძღვანელოებიც:

"იქნება ახალი სახელმძღვანელოები, რომლებიც მომზადების პროცესით ახლა რამდენიმე თვეა უკვე მიმდინარეობს, რომლებიც სხვა, შინაარსობრივ გაუმჯობესებასთან ერთად იქნება უფრო მსუბუქი. ვიმუშავებთ ელექტრონული სახელმძღვანელოების შექმნაზე. ეს სამუშაოც უკვე დაწყებულია. ეს იქნება, რა თქმა უნდა, არჩევითი. ოჯახის გადასაწყვეტი იქნება გამოიყენონ, თუ არა ელექტრონული სახელმძღვანელო."