თიანეთის მერი, თამაზ მეჭიაური აცხადებს, რომ ის საპარლამენტო არჩევნებში მონაწილეობას აპირებს, რისთვისაც, საჭიროა არჩეული თანამდებობიდან გადადგეს. ამის შესახებ მეჭიაურმა TV პირველთან ინტერვიუში განაცხადა.

"ვაპირებ გადადგომას 2-3 დღეში იმიტომ, რომ საპარლამენტო არჩევნებში მონაწილეობის მიღებას ვაპირებ", — განაცხადა მეჭიაურმა.

მეჭიაურს არ დაუკონკრეტებია, თუ რა ფორმით აპირებს მონაწილეობის მიღებას არჩევნებში. მისივე თქმით, აღნიშნულ ინფორმაციას 2-3 დღეში გააჟღერებს.

თამაზ მეჭიაურმა ქართული ოცნება 2016 წლის საპარლამენტო არჩევნებამდე რამდენიმე თვით ადრე, ამავე წლის 2016 წლის მაისში დატოვა. 2017 წელს კი, როგორც დამოუკიდებელმა კანდიდატმა, თიანეთის მერის არჩევნებში მმართველი პარტიის კანდიდატი დაამარცხა.

გავიხსენოთ მეტი მეჭიაურზე: