პრეზიდენტმა ბარაკ ობამამ და პირველმა ლედიმ მიშელმა საპრეზიდენტო ოჯახის ამპლუაში აშშ-ის მოსახლეობას შობა უკანასკნელად მიულოცეს.

"ყველას ბედნიერ შობას გისურვებთ. ეს არის დღესასწაული, რომელსაც ჩვენთვის ძვირფას ადამიანებთან ერთად ვხვდებით. საუკეთესო საჩუქარი, რაც მე და მიშელს მიგვიღია, 8 წლის განმავლობაში თქვენთვის მუშაობა იყო. ვეცადეთ, ამერიკა უფრო უსაფრთხო ადგილად გვექცია ყველასთვის და განსაკუთრებით ბავშვებისთვის", - ამბობს მიმართვაში ბარაკ ობამა.

"ჩვენ ვალდებული ვართ ვიზრუნოთ მათზე, ვისაც ეს სჭირდება, ვისაც შია, ვინც ავად არის, ვიზრუნოთ უცხოებზე, მნიშვნელობა არ აქვს, საიდან მოდიან ისინი ან როგორი ბედი არგუნათ მან განგებამ", - თქვა მიშელ ობამამ.

საპრეზიდენტო წყვილმა აშშ-ის შეიარაღებულ ძალებსაც მიმართა და მათ მხარდაჭერისთვის მადლობა გადაუხადა.

მიშელმა და ბარაკმა მიმართვის ბოლოს ყველას ბედნიერი შობა-ახალი წელი უსურვეს.