შინაგან საქმეთა სამინისტროს განცხადებით, საგარეჯოში გარყვნილი ქმედების ბრალდებით არასრულწლოვანი, ხოლო მასზე ძალადობის და ჯანმრთელობის დაზიანების ბრალდებით ერთი პირი დააკავეს.

გამოძიების ინფორმაციით, საგარეჯოს მუნიციპალიტეტის ერთ-ერთ სოფელში ბრალდებულმა არასრულწლოვანმა სხვა არასრულწლოვნების მიმართ გარყვნილი ქმედება ჩაიდინა, რის შემდეგაც მას ძალადობისთვის ბრალდებულმა პირმა ფიზიკური შეურაცხყოფის შემდეგ ყურის არეში დაზიანებები მიაყენა. პოლიციციის ინფორმაციით, დანაშაულის იარაღი — დანა ნივთმტკიცებად ამოიღო.

შინაგან საქმეთა სამინისტრომ გამოძიება სამი მუხლით დაიწყო — 137-ე (გაუპატიურება), 126-ე (ძალადობა) და 117-ე (ჯანმრთელობის განზრახ მძიმე დაზიანება).