საერთაშორისო გამჭვირვალობა — საქართველოს ანგარიშის თანახმად, 2020 წლის აპრილი-ივნისში წინა წლის ამავე პერიოდთან შედარებით შტატგარეშე მომუშავეთა ანაზღაურება 10,7 მილიონი ლარით გაიზარდა და 68,8 მილიონი ლარი შეადგინა.

ანგარიშის მიხედვით, მიმდინარე წლის იანვარი-ივნისის შტატგარეშე მომუშავეთა ანაზღაურება 19%-ით, 20,4 მილიონი ლარით გაიზარდა. ორგანიზაცია აღნიშნავს, რომ ეს მოხდა იმ პირობებში, როდესაც მთავრობის პრიორიტეტი ადმინისტრაციულ ხარჯებში ეკონომიის გაკეთება უნდა ყოფილიყო.