საერთაშორისო გამჭვირვალობა — საქართველოს ანგარიშის თანახმად, აპრილი-ივნისში მივლინებებზე გაწეული ხარჯები 49%-ით შემცირდა და 10,9 მილიონი შეადგინა. ორგანიზაცია აღნიშნავს, რომ იმ ვითარებაში, როდესაც ქვეყნების საზღვრები ჩაკეტილი იყო, ხოლო ქვეყნის შიგნით გადაადგილება შეზღუდული, საინტერესოა რატომ და როგორ დაიხარჯა მივლინებებზე 11 მილიონ ლარამდე.

ორგანიზაციაში აცხადებენ, რომ იანვარი-მარტის პერიოდში მივლინებების ხარჯები 2,5 მილიონი ლარით შემცირდა და 15,5 მილიონი ლარი შეადგინა. მათივე ცნობით, მიმდინარე წლის პირველ ექვს თვეში სულ 26,4 მილიონი ლარი დაიხარჯა, რაც გასული წლის ამავე პერიოდთან შედარებით 13,1 მილიონი ლარით ნაკლებია.