საქართველოს საგარეო საქმეთა მინისტრის, დავით ზალკალიანის განცხადებით, საპარლამენტო არჩევნებისთვის ეუთო/ოდირის სადამკვირვებლო მისია ჩამოვა, რომელიც მთავარ სადამკვირვებლო მისიაში ჩაერთვება.

"28 გრძელვადიანი დამკვირვებელი გვეყოლება არჩევნებზე და, ასევე, 350-იანი მოკლევადიანი დამკვირვებელი", — განაცხადა ზალკალიანმა მთავრობის სხდომის შემდეგ გამართულ ბრიფინგზე.

გუშინ 16 სექტემბერს აშშ-ს სახელმწიფო მდივანი, მაიკ პომპეო ზალკალიანისადმი გაგზავნილ წერილში ისაუბრა, რომ ოქტომბრის არჩევნების პროცესს ეუთო/ოდირის მისიაში ჩართული მოხალისეები და აშშ-ს საელჩო დააკვირდება.

კორონავირუსის პანდემიის გამო NDI-სა და IRI-ს დამკვირვებლების ფიზიკური ჩართულობა შეიზღუდება და ისინი 31 ოქტომბერს გასამართ საპარლამენტო არჩევნებს დისტანციურად დააკვირდებიან.