ჯანდაცვის მინისტრის, ეკატერინე ტიკარაძის განცხადებით, დღეს, 17 სექტემბრის მონაცემებით ინფიცირებულების ნაკლები რაოდენობა დაფიქსირდა, მაგრამ ეს სიმშვიდის საფუძველს არ იძლევა. მისი თქმით, იმისთვის, რომ ეპიდემიოლოგებმა განსაზღვრონ, რა ეპიდვითარებაა და კონტროლირებადია თუ არა ვირუსის გავრცელება, სულ მცირე ერთკვირიანი კლების ციკლი სჭირდებათ.

მისივე თქმით, დღესდღეობით სიტუაცია კონტროლირებადია იმ მხრივ, რომ ეპიდემიოლოგები ეფექტურად მუშაობენ კონტაქტების გამოვლენაზე და მოკვლევადობა გაუმჯობესებულია.

ინფექციური საავადმყოფოს დირექტორის, მარინა ეზუგბაიას თქმით, კორონავირუსის 179 ახალი შემთხვევიდან 126 აჭარაში დაფიქსირდა.

17 სექტემბრის მონაცემებით, ქვეყანაში კორონავირუსის სულ 2 937 შემთხვევაა დადასტურებული. აქედან უკვე 1 422 გამოჯანმრთელდა, ხოლო 19 გარდაიცვალა.

ამ ეტაპისთვის კარანტინშია 6 633 ადამიანი, ხოლო სტაციონარში მეთვალყურეობის ქვეშ 836.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: