სტრატეგია აღმაშენებლის განათლების მიმართულების ხელმძღვანელის, ნანა ტოხვაძის განცხადებით, არც სასწავლო პროცესის დაწყების გადავადება და არც მხოლოდ ონლაინ სწავლება გამოსავალი არ არის. ის განათლების სამინოსტოსგან განმარტებებს ითხოვს, თუ რა მოსამზედებელ სამუშაოებს დაუთმო ზაფხულის თვეები საჯარი სკოლებში, თუნდაც დისტანციური სწავლების ეფექტიანად წარმართვისთვის და უსაფრთხოების ნორმების აღსრულებისთვის.

ტოხვაძე სამინისტროს სამ რეკომენდაციას სთავაზობს, რომელიც საჯარო სკოლების დახმარებას, კერძო საგანმანათლებლო დაწესებულებებისთვის დადგენილი რეგულაციების გათვალისწინებით სასწავლო პროცესის გაგრძელებას და უსაფრთხოების მართვის პროცესში მშობლების ჩართულობას ითვალისწინებს:

  1. "გამოდით უქნარა მაკონტროლებლის როლიდან და დაეხმარეთ საჯარო სკოლებს;
  2. ჩამოეხსენით კერძო საგანმანათლებლო დაწესებულებებს და მიეცით საშუალება დადგენილი რეგულაციების გათვალისწინებით განაგრძონ სწავლება;
  3. ჩართეთ მშობლები უსაფრთხოების მართვის პროცესში და დაუყოვნებლივ დააბრუნეთ მოსწავლეები საკლასო ოთახებში".

"წესითა და რიგით, დღეს ახალი სასწავლო წლის დაწყება უნდა მიგველოცა მოსწავლეებისთვის, ისე როგორც ეს მოხდა განვითარებულ, ევროპულ ქვეყნებში. განათლების სამინისტრომ შექმნა პოზიტიური მოლოდინი და უპასუხისმგებლოდ გადაავადა სწავლის დაწყება. ვინაიდან არც გადავადება და არც მხოლოდ ონლაინ სწავლება გამოსავალი არ არის, კეთილი ინებოს სამინისტრომ და განმარტოს, რა მოსამზედებელ სამუშაოებს დაუთმო ზაფხულის თვეები საჯარი სკოლებში თუნდაც დისტანციური სწავლების ეფექტიანად წარმართვისთვის და მით უფრო უსაფრთხოების ნორმების აღსრულებისთვის", — აცხადებს ტოხვაძე.