კორონავირუსის გავრცელების შესაკავებლად ისარელი საყოველთაო კარანტინს აცხადებს, რომელიც ძალაში ებრაულ ახალ წელს შევა. ე.წ. ლოქდაუნი პარასკევს, 18 სექტემბერს დაიწყება და სულ მცირე სამი კვირა გაგრძელდება.

პრემიერმიისტრის ბენიამინ ნეთანიაჰუს თქმით, ეს "ყველას ძვირად დაუჯდება", თუმცა დღეში მათ კორონავირუსის 4 000 ახალი შემთხვევა აქვთ.

კარანტინის პერიოდში დაიხურება სასწავლო დაწესებულებები, რესტორნები, სავაჭრო და ბიზნესცენტრები. ისრაელის მაცხოვრებლებს აეკრძალებათ საკუთარ სახლებს 500 მეტრზე მოშორდნენ. მსგავსი მკაცრი შეზღუდვები ქვეყანაში გაზაფხულზე მოქმედებდა.

დაწესებული შეზღუდვების გამო მინისტრი იაკოვ ლიცმანი გადადგა. ლიცმანი ულტრაორთოდოქსული ებრაული პარტიის ლიდერია. მისი თქმით, აღნიშნული ზომები ებრაელებს ხელს შეუშლის, რომ მნიშვნელოვანი რელიგიური დღესასწაულები, მათ შორის 27 სექტემბერს იომ-ქიფური აღნიშნონ. გარდა ამისა, მან დაიმუქრა, რომ თავის პარტიას კოალიციური მთავრობიდან გამოიყვანდა

ჯონ ჰოპკინსის უნივერსიტეტის მონაცემების თანახმად, ისრაელში კორონავირუსის 153 ათასზე მეტი შემთხვევაა დაფიქსირებული, ხოლო 1 108 ადამიანი გარდაიცვალა.