NDI-ის კვლევის მიხედვით, გამოკითხულთა 80 პროცენტი აცხადებს, რომ დაგროვებით საპენსიო პროგრამაში ჩართული არ არის, 19 პროცენტის თქმით, ჩართულია, 1 პროცენტი კი აცხადებს, რომ არ იცის.

იმ 19 პროცენტიდან, რომელიც აცხადებს, რომ საპენსიო პროგრამაში ჩართულია, 58 შესაძლებლობის შემთხვევაში დანაზოგს არ გაიტანდა, 38 პროცენტი კი პირიქით.

ფოტო: NDI

თბილისში ეს ციფრები ასე ნაწილდება: პროგრამაში ჩართულია — 74, არ არის ჩართული 26 პროცენტი. სოფლებში კი ჩართულია 85, არ არის ჩართული 14 პროცენტი.

ფოტო: NDI

გამოკითხულთა უმეტესობა ფიქრობს, რომ უკეთესი იქნება, თუ დაგროვებით საპენსიო სისტემაში გადარიცხვა ნებაყოფლობითი იქნება.

ფოტო: NDI

NDI-ის კვლევა 6-11 აგვისტოს საქართველოს მასშტაბით 2 045 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1,3 პროცენტია.

ორგანიზაციის განცხადებით, რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით შეირჩნენ. NDI-ის ინფორმაციით, ინტერვიუები ჩატარდა ქართულ, აზერბაიჯანულ, სომხურ და რუსულ ენებზე. მათივე თქმით, კვლევა საქართველოს მთლიანი მოსახლეობის წარმომადგენლობითია (ოკუპირებული ტერიტორიების გამოკლებით).