თბილისის საქალაქო სასამართლომ გიორგი შაქარაშვილის საქმეზე დაკავებული არასრულწოვნის მამას თამაზ ხომასურიძეს, მოწმეებზე განხორციელებული მუქარის და ცრუ ჩვენების მიცემის ფაქტებზე აღკვეთის ღონისძიების სახით პატიმრობა შეუფარდა.

პროკურატურის ინფორმაციით, თამაზ ხომასურიძეს ბრალი წარედგინა საქართველოს სისხლის სამართლის კოდექსის 151-ე მუხლის პირველი ნაწილით, 369-ე მუხლის მესამე ნაწილით და 370-ე მუხლის მეორე, მესამე ნაწილებით, რაც სამიდან შვიდ წლამდე თავისუფლების აღკვეთას ითვალისწინებს.