ქავთარაძის ბაზრის მოვაჭრეებმა გამაფრთხილებელი საპროტესტო აქცია გამართეს, რომელსაც ევროპული საქართველოს ვაკე-საბურთალოს რაიონის მაჟორიტარი დეპუტატი ელენე ხოშტარია შეუერთდა.

მოვაჭრეების ინფორმაციით, ბაზრის ტერიტორიაზე დაგეგმილია გზის მშენებლობა და აქვთ შიში, რომ ამის გამო ბაზარი საერთოდ დაიხურება.

ელენე ხოშტარიას თქმით, თითოეული სამუშაო ადგილი მოსაფრთხილებელია, განსაკუთრებით კი კოვიდკრიზისის ფონზე. ის მიმართავს კახი კალაძეს, შეხვდეს და დაეხმაროს ამ ადამიანებს პრობლემების გადაჭრაში.