ამერიკის საელჩოს საქართველოში განცხადებით, ბოლო ორი ათწლეულის განმავლობაში ტერორიზმთან ბრძოლამ ამერიკელი და ქართველი ხალხი კიდევ უფრო დააახლოვა. საელჩო ამ განცხადებით, 2001 წლის 11 სექტემბერს ამერიკის შეერთებულ შტატებში მომხდარ ტერაქტს გამოეხმაურა.

"დრო ვერ წაშლის ჩვენი მეხსიერებიდან 9/11-ს. 19 წლის შემდეგ, ჩვენ კიდევ უფრო ძლიერნი ვართ ერთად. დღეს ჩვენ ვიხსენებთ და ვგლოვობთ მათ, ვინც დაიღუპა ან სამუდამოდ დასახიჩრდა იმ საბედისწერო ტერორისტული თავდასხმის დღეს. ჩვენ დიდად ვაფასებთ საქართველოს წვლილს ავღანეთის მისიაში და კიდევ უფრო მეტად — გლობალური უსაფრთხოების განმტკიცებაში. ამერიკის შეერთებული შტატები პატივს მიაგებს ტერორიზმთან ბრძოლაში დაღუპულ ქართველებს, ისევე, როგორც მივაგებთ პატივს 9/11 - ში და შემდგომ წლებში დაღუპულ ამერიკელებს. დღეს ამ ბრძოლაში ჩვენ ორივეს გვყავს მსხვერპლი", — წერია საელჩოს განცხადებაში.

9/11 ამერიკის ისტორიაში ერთ-ერთი ყველაზე ტრაგიკული დღის აღმნიშვნელია. ამ დღეს ალ ქაიდას ტერორისტებმა United Airlines-ის ორი გატაცებული თვითმფრინავი დილით, სამუშაო დღის დაწყებისას ნიუ-იორკის ორ ცათამბჯენს დააჯახა. შედეგად, 2 996 ადამიანი დაიღუპა.