დაავადებათა კონტროლის ცენტრის ხელმძღვანელის, ამირან გამყრელიძის განცხადებით, 45 000 მასწავლებლის რენდომული ლაბორატორიულად გამოკვლევის სტრატეგიაა შემუშავებული, რათა დაზუსტდეს თუ არის მასწავლებელი ინფიცირების სტადიაში.

"იგივე შემუშავდა დიდ დამსაქმებლებთან მიმართებაში და, რა თქმა უნდა, დიდ დამსაქმებლებთან ერთად ამ ტიპის კვლევები ქვეყანაში ტარდება. 3-4 დღეში გვექნება დიდი რანდომული კვლევის შედეგები, რომელიც ჩავატარეთ. 1200 სისხლია აღებული ქვეყნის 4 მუნიციპალიტეტში", — განაცხადა გამყრელიძემ.

დაავადებათა კონტროლის ეროვნული ცენტრის ხელმძღვანელის განცხადებით, ამ სტრატეგიის საშუალებით ცნობილი გახდება ფარული ე.წ ასიმპტიმური ფორმების ცირკულაცია როგორია ქვეყანაში.