კვლევებისა და კონსულტაციის გლობალური კომპანია ACT დაინტერესდა თბილისის მოსახლეობა როგორ და სად აპირებს ახალი წლის შეხვედრას.

აღმოჩნდა, რომ 10-დან 8 თბილისის მაცხოვრებელი (84%) ახალ წელს სახლში ხვდება და უმრავლესობა (81%) ახალი წლის ღამის გატარებასაც სახლში გეგმავს. ახალი წლის ღამეს სტუმრად წასვლას თბილისელების 7% აპირებს.

ACT-ის ცნობით, თბილისის მოსახლეობის მხოლოდ 2% აპირებს, რომ ახალი წელს რესტორანში შეხვდეს, ხოლო 1% ბაკურიანში ან გუდაურში მიდის დღესასწაულის აღსანიშნავად. 6%-ს ჯერ არ გადაუწყვეტია სად შეხვდება 2017 წელს.

იმ თბილისელების 91%, ვინც საახალწლოდ სახლში დარჩენას გეგმავს, 31 დეკემბრის ღამეს ტელევიზორის ყურებას აპირებს.

ამავე თემაზე ნახეთ, რა ჯდება საახალწლო არდადეგების გატარება საქართველოს სასტუმროებში.

ფოტო: ACT