ბელარუსის ხელისუფლებისა და სახელმწიფო მედიასაშუალებების ინფორმაციით, ოპოზიციონერი მარია კოლესნიკოვა უკრაინის საზღვარზე დააკავეს. კოლესნიკოვასთან ერთად დააკავეს კიდევ ორი ოპოზიციონერი — ივან კრავცოვი და ანტონ როდნენკოვი. ისინი 7 სექტემბერს დილით გაუჩინარდნენ და ამ დრომდე მათი ადგილსამყოფელი უცნობი იყო.

გამოცემა ბელტა იუწყება, რომ კოლესნიკოვა უკანონოდ საზღვრის კვეთასა და უკრაინაში გადასვლას ცდილობდა. ამასთან, როდნენკოვმა და კრავცოვმა ქვეყანა დატოვეს.

მანამდე, სასაზღვრო სამსახურის წარმომადგენელი ამბობდა, რომ სამივე მათგანი უკრაინაში სასაზღვრო პუნქტის გავლით მოხვდა. ახალ ვერსიაში კი საზღვრის სამსახური აცხადებს, რომ სამი მათგანმა მანქანით სცადა პუნქტის გარღვევა, თუმცა კოლესნიკოვა მაქანიდან გადმოაგდეს, დანარჩენებმა კი სხვლა განაგრძეს.

კოლესნიკოვას ადვოკატი ლუდმილა კაზაკი ამბობს, რომ არ იცის სად იმყოფება ოპოზიციონერი.

ბელარუსში საპროტესტო აქციების პარალელურად ალექსანდრე ლუკაშენკოს ხელისუფლების მხრიდან რეპრესიები გრძელდება. აქციებზე აკავებენ ათეულობით ადამიანს, ოპოზიციის წევრებს კი დაკითხვებზე იბარებენ. რამდენჯერმე გავრცელდა ინფორმაციაც დაკარგულებზე.