საგარეო საქმეთა მინისტრის, დავით ზალკალიანის თქმით, როცა ჯანდაცვის უწყებებზე კიბერთავადასხმის წყაროები დადგინდება, მაშინ დასახელდება ქვეყანაც და უწყებებიც. ამის შესახებ მან იმედის ეთერში ისაუბრა.

მისი თქმით, ქართული სამართალდამცავი უწყებები საერთაშორისო პარნტიორებთან მუდმივ კონტაქტზე არიან:

"რა თქმა უნდა, ჩვენ არ მოგვერიდება სახელების დარქმევა. როდესაც გამოძიება გავა წყაროზე , ქვეყანაც დასახელდება და ის სტრუქტურა, საიდანაც მოხდა კიბერთავდასხმა".

საქართველოს შინაგან საქმეთა სამინისტროს ინფორმაციით, 3 სექტემბერს ჯანდაცვის სამინისტროს კომპიუტერულ სისტემაზე უცხო ქვეყნის სპეცსამსახურების მიერ კიბერშეტევა განხორციელდა. უწყებაში ამბობენ, რომ მართლსაწინააღმდეგოდ დაეუფლნენ ლუგარის ლაბორატორიის მონაცემებსაც, რაც ამ დროისთვის ერთ-ერთ უცხოურ ვებ-გვერდზე ხელმისაწვდომია. შსს არ აკონკრეტებს, რომელი ქვეყნის სპეცსამსახურებზე საუბრობს.