თამარ ბაჩალიაშვილის საქმის პროკურორის განცხადებით, საქმის გამოძიებაში ამერიკის ფედერალური ბიურო არ ჩაერთვება, რადგან ეს მათი კომპეტენცია არ არის. ამის შესახებ პროკურორმა სპეციალურ ბრიფინგზე ისაუბრა.

"ჩვენ გვქონდა კომუნიკაცია ფედერალური ბიუროს წარმომადგენელთან, ატაშესთან, რომლისგანაც მივიღეთ განმარტება, რომ ამერიკის ფერალური ბიუროს წარმომადგენლები იძიებენ მხოლოდ შტატების ტერიტორიაზე და მასთან დაკავშირებულ კონკრეტულ სისხლის სამართლის საქმეებს, შესაბამისად, ჩვენს ტერიტორიაზე მოქმედი სისხლის სამართლის საქმეზე გამოძიების ჩატარების უფლება გააჩნია მხოლოდ და მხოლოდ ჩვენს მხარეს", — აცხადებს პროკურორი.

თამარ ბაჩალიაშვილის ოჯახი პროკურატურას უნდობლობას უცხადებდა და მოითხოვდა, რომ გამოძიებაში FBI ჩართულიყო. ოჯახი აცხადებდა, რომ სწორედ FBI-ს დახმარებით დადგინდებოდა იყო თუ არა გახსნილი ბაჩალიაშვილის კომპიუტერი.

გაიგეთ მეტი: