ერთადერთი ეჭვმიტანილი, რომელიც ორშაბათს, ბერლინში, საშობაო ბაზრობაზე თავდასხმის ბრალდებით დააკავეს გათავისუფლებულია. ინფორმაციას BBC ავრცელებს.

პროკურორების თქმით, მათ არ აქვთ საკმარისი მტკიცებულება, რომ ბრალდებულის წინააღმდეგ საქმე გააგრძელონ, რომელიც, თავის მხრივ მედიის მიერ იდენტიფიცირებულია როგორც უბრალოდ პაკისტანის მოქალაქე ნავედ ბ.

გერმანიის ფედერალურმა პროკურორმა, ასევე, განაცხადა, რომ თავდასხმის სტილი და მიზანი ისლამურ ექსტრემიზმს ჰგავს. 23 წლის ეჭვმიტანილი პოლიციისთვის უმნიშვნელო დანაშაულებებით იყო ცნობილი, თუმცა არ გამოვლენილა კავშირი სამხედრო ორგანიზაციებთან.

ნავედ ბ. გერმანიაში 2015 წლის 31 დეკემბერს ჩავიდა. მისი აპლიკაცია თავშესაფრის თხოვნის შესახებ ჯერ კიდე პროცესშია.

20 დეკემბერს, ბერლინის პოლიციამ განაცხადა, რომ დაკითხვაზე გადაყვანილი ბრალდებული პირი შემთხვევასთან რაიმე სახის კავშირს უარყოფდა.

ბერლინის ცენტრში, საშობაო ბაზრობაზე სატვირთო მანქანის შევარდნის შედეგად 12 ადამიანი დაიღუპა და 48 დაშავდა.