საპარტნიორო ფონდის აღმასრულებელი დირექტორის, დავით საგანელიძის განცხადებით, მას "ერთი სული აქვს', როდის გაიხსნება მამისონის უღელტეხილი. საგანელიძე ამბობს, რომ უღელტეხილი აუცილებლად უნდა გაიხსნას. მისივე თქმით, რუსეთთან ურთიერთობები უნდა დალაგდეს, რადგან ეს ონის განვითარებისთვის მნიშვნელოვანი. მამისონის უღელტეხილი რუსეთს საქართველოსთან აკავშირებს.

"ველოდები, ერთი სული მაქვს, როდის გადმოვალთ სულ ყველა ახალი გზით ონში. ველოდები, როდის გაიხსნება და აუცილებლად გაიხსნება მამისონი და აუცილებლად უნდა გაიხსნას. ჩვენ უნდა დავალაგოთ უერთიერთობა ჩვენს მეზობელ ქვეყანასთან, იმიტომ რომ ეს გზა ონისთვის და ამ კუთხისთვის არის ძალიან მნიშვნელოვანი და ყველაფერს გავაკეთებ თქვენთან ერთად ამისთვის", — განაცხადა საგანელიძემ ონში კუთხის განვითარების შესახებ საუბრისას.

საგანელიძის მოსახლეობასთან შეხვედრის ვიდეო ფეისბუქზე გუშინ ორ სექტემბერს გავრცელდა.

დავით საგანელიძე საპარტნიორო ფონდის აღმასრულებელ დირექტორად 2015 წლის სექტემბერში დაინიშნა. ის დღემდე მმართველი პარტია ქართული ოცნების პოლიტიკური საბჭოს წევრია.