გამოცემა The Business of Fashion-მა ქართველი დიზაინერი და Balenciaga-ს კრეატიული დირექტორი დემნა გვასალია წლის ადამიანად დაასახელა.

სტატიაში აღნიშნულია, რომ დემნამ დიდი გავლენა მოახდინა არა მხოლოდ მოდის ბიზნესზე, არამედ მან ინდუსტრიის მართვის ხერხებიც კი შეცვალა. გვასალია ჟურნალის 2016 წლის თებერვლის სპეციალური გამოშვების ყდაზეც აღმოჩნდა.

ფოტო: Willy Vanderperre


"ეს სისტემა არ მუშაობს. არ არსებობს კავშირი პროდუქტზე შემოქმედებით და კომერციულ ხედვას შორის. ეს წრე ორივეს, ბიზნესსაც და კრეატივსაც კლავს" - ისაუბრა დემნა გვასალიამ The Business of Fashion-თან 2015 წელს, როდესაც მან ახალი კოლექცია არა მოდის კვირეულის ფარგლებში, არამედ მისთვის და კლიენტებისთვის მოსახერხებელ დროს წარმოადგინა.