დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ქართული ოცნების ოფისის კიდევ ერთ თანამშრომელს კორონავირუსი დაუდასტურდა. ინფორმაცია ამის შესახებ On.ge-ს პარტიის პრესსამსახურში უთხრეს. სულ კორონავირუსი ოფისის ორ თანამშრომელს აღმოაჩნდა.

გუშინ, 31 აგვისტოს ცნობილი გახდა, რომ მმართველი პარტიის სათაო ოფისის თანამშრომელს კორონავირუსი დაუდასტურდა.

დაავადებათა კონტროლის ცენტრის ხელმძღვანელის, ამირან გამყრელიძის განცხადებით, ქართული ოცნების ოფისის თანამშრომლის 5 კონტაქტს კორონავირუსი დაუდასტურდა.

დღევანდელი მონაცემებით, საქართველოში კორონავირუსის 18 ახალი შემთხვევა გამოვლინდა, გამოჯანმრთელებულთა რიცხვი კი 19-ით გაიზარდა.

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, 7 არის დადასტურებულ შემთხვევასთან კონტაქტი, ხოლო 11 — შემოტანილი შემთხვევა, რომელთაგან ორი სატვირთო ავტომობილის მძღოლია.

ჯამში, საქართველოში კორონავირუსის დადასტურებულ შემთხვევათა რაოდენობა 1 487-მდე გაიზარდა, გამოჯანმრთელებულია 1 240 ადამიანი, გარდაცვლილი კი — 19. კარანტინის რეჟიმში რჩება 5 524 პირი, სტაციონარში მეთვალყურეობის ქვეშ კი 221 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: