"რამდენი წელია "რაზგონს" იღებს", — ამ სიტყვების შეაფასა პარტია მოქალაქის ლიდერმა, ალეკო ელისაშვილმა ექსპრეზიდენტ მიხეილ სააკაშვილის მორიგი დაპირება ქვეყანაში დაბრუნებასთან დაკავშირებით.

"თუ ბრუნდები, დაბრუნდი, შე დალოცვილო. რამდენი წელია "რაზგონს" იღებს. ბოდიში ამ რუსული სიტყვებისთვის. აგერაა საქართველო, რუკაზე არ იცის სადაა? თუ თავი გაქვს ჩამოდი. თუ არა, დაგვანებე თავი. ასეთი არასერიოზული რაღაცები თუ ვინმეს ეხმარება და ვინმეს წისქვილის ასხამს წყალს, არის ქართული ოცნება", — აღნიშნა ელისაშვილმა რუსთავი 2-ის ეთერში.

ექსპრეზიდენტმა, მიხეილ სააკაშვილმა 27 აგვისტოს ვიდეომიმართვა გაავრცელა, სადაც საქართველოს მოსახლეობას დაშვებული შეცდომების გამო ბოდიშს უხდის. ექსპრეზიდენტი ისევ ჰპირდება ამომრჩეველს დაბრუნებას, თუმცა წინა დაპირებებისგან განსხვავებით, არ აკონკრეტებს როდის.

ამ დრომდე სააკაშვილმა არაერთხელ განაცხადა, რომ საქართველოში დაბრუნდებოდა და "ივანიშვილის მმართველობას დაასრულებდა". ამას ჰპირდებოდა ის ამომრჩეველს, როგორც თვითმმართველობის, ასევე, საპრეზიდენტო არჩევნების წინ.