ერთიანი ნაციონალური მოძრაობის მაჟორიტარობის კანდიდატი ისანში, ხატია დეკანოიძე ამბობს, რომ სრულიად ლოგიკურია, მათი გამარჯვების შემთხვევაში მიხეილ სააკაშვილი პრემიერმინისტრად დასახელდეს. მისი თქმით, ამაში მათ ვერავინ შეედავება.

"ყველა პარტიას, რასაკვირველია, გვაქვს ჩვენ-ჩვენი უფლება, როგორ ვხედავთ ამ ქვეყნის განვითარებას და როგორ წარმოგვიდგენია ამ ბრძოლაში ნამდვილად შესვლა. ამიტომ სრულიად ლოგიკურია, ვერავინ შემოგვედავება და არცერთი არგუმენტი არ ექნებათ ამის ჩვენს საწინააღმდეგოდ, რომ მიხეილ სააკაშვილი ჩვენს გამარჯვების შემთხვევაში იყოს დასახელებული, როგორც საქართველოს პრემიერმინისტრი", — აცხადებს დეკანოიძე მთავარი არხის ეთერში.

ერთიანმა ნაციონალურმა მოძრაობამ ისანში მაჟორიტარობის კანდიდატად სტრატეგია აღმაშენებლის ლიდერის, გიორგი ვაშაძის წინააღმდეგ ხატია დეკანოიძე წარადგინა. მათი განცხადებით, ვაშაძემ ძალა ერთობაშია დატოვა, ამიტომ ის ოპოზიციის საერთო კანდიდატი აღარ არის. ვაშაძემ პოლიტიკური გარეთიანება მას შემდეგ დატოვა, რაც მის სურვილს პრემიერმინისტრად წარედგინათ, ნაციონალურ მოძრაობაში მხარდაჭერის ნაცვლად, კრიტიკა მოყვა.