თბილისში დადიანის ქუჩისა და თამარ მეფის გამზირის დამაკავშირებელი ხიდის მშენებლობა იგეგმება. ამის შესახებ სატრანზიტო დერეფნის პრეზენტაციაზე თბილისის მერის მოადგილემ, მაია ბითაძემ ისაუბრა.

"დადიანი-თამარ მეფის ხიდი ამ ორ მიმართულებას დააკავშირებს ერთმანეთთან. რაც მთავარია, კერძო ავტომობილებს ნაძალადევში მიღწევის პრობლემა აღარ ექნებათ და არ მოუწევთ სატრანზიტოდ ჩუღურეთისა და დიდუბის გამოყენება", — განაცხადა თბილისის მერის მოადგილემ.

ამასთან, ბითაძემ აღნიშნა, სატრანსპორტო რეფორმის ფარგლებში ავტობუსის ათი სატრანსპორტო დერეფანი მოეწყობა.