დღეს იმედზე ლოტო 6/42-ის და 5/35-ოქროს ბურთის პირველი გათამაშება გაიმართება. საქართველოს ეროვნული ლატარიის კომპანიაში სიახლეებია და ეს სიახლეები ლატარიის ორ პოპულარულ პროდუქტს, ლოტო 6/42-სა და ყოველდღიურ ლოტო 5/35 ოქროს ბურთს ეხება. გათამაშებები დღეიდან ტელეკომპანია იმედის ეთერში გადაიცემა.

დღეიდან, ყოველდღე, 19:45 საათზე, იმედზე მარიამ სანოგო და ზაალ წულუკიძე, ყოველდღიურ ლოტო 5/35-ოქროს ბურთში 200 000 ლარზე მეტ ჯეკპოტს გაათამაშებენ. შაბათ-კვირას კი, იგივე დროს 5/35-ოქროს ბურთს უკვე ყველასთვის ნაცნობი წამყვანები ანანო სახელაშვილი და მარიამ გველესიანი წაიყვანენ.

დღესვე, პირველად იმედის ეთერში ტრადიციული ლოტო 6/42-ის გათამაშებებს გახსნილად დუტა სხირტლაძე გამოაცხადებს, მოგვიანებით მას მისი მეწყვილე ეკა ამირეჯიბიც შეუერთდება. სხირტლაძისა და ამირეჯიბის დუეტი ყოველ სამშაბათსა და პარასკევს, ლოტო 6/42-ის გათამაშებით მაყურებლის წინაშე რვა საათიანი ქრონიკის დასრულებისთანავე წარსდგებიან და იმედის მაყურებელს 700 000 ლარზე მეტი ჯეკპოტის მოგების შესაძლებლობას მისცემენ.