გაზმომმარაგებელი კომპანია ყაზტრანსგაზ-თბილისის ინფორმაციით, ტექნიკური სამუშაოების ჩატარების მიზნით, ორშაბათს, 19 დეკემბერს, 10:00 საათიდან გაზმომარაგება შეუწყდება სამგორის რაიონს.

კომპანიის ცნობით, გაზის მიწოდება აღდგება 18:00 საათიდან ეტაპობრივად სამუშაოების დასრულებისთანავე. ყაზტრანსგაზ-თბილისი თავის აბონენტებს მოუწოდებს არ დატოვონ უყურადღებოდ გაზის დანადგარები, ხოლო ონკანები ჰქონდეთ დაკეტილ მდგომარეობაში.

"მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს ყაზტრანსგაზ-თბილისი პასუხისმგებელი არ არის" - აცხადებს კომპანია.

8 საათის განმავლობაში გაზი არ ექნება შემდეგ დასახლებებს:

  • ორხევის დასახლებას,
  • აეროპორტის დასახლებას,
  • ლილოს დასახლებას,
  • ლილო - ხილბოსტანვაჭრობის კორპუსს,
  • თეთრიხევის დასახლებას,
  • ლოჭინის დასახლებას,
  • ალექსეევკის დასახლებას.

ასევე:

  • სოფელი ნასაგურის,
  • წინუბანის
  • დიდი ლილოს მოსახლეობას.

იუმაშევის, ჭირნახულის, კახეთის გზატკეცილზე არსებულ მსხვილ და მცირე კომერციულ ობიექტებს:

  • საქართველოს სახელმწიფო უსაფრთხოების სამსახური,
  • სსიპ ცხოველთა მონიტორინგის სამსახური,
  • სსიპ შემოსავლების სამსახური,
  • ტერმინალი - ლილო,
  • ტერმინალი - ოპიზა,
  • შპს გუმი - ასფალტის ქარხანა,
  • PSP ფარმა,
  • შპს შავი ზღვის საერთაშორისო უნივერსიტეტი,
  • საყვარელიძის სახელობის დაავადებათა კონტროლისა და საზოგადოებრივი ჯანმრთელობის ცენტრი,
  • საქაერონავიგაცია.

ორშაბათს თბილისის 4 რაიონში ელექტროენერგიაც გაითიშება.