ევროპული საქართველოს ლიდერი, დავით ბაქრაძე საერთო ოპოზოციურ მემორანდუმს ეხმიანება. მისი თქმით, ეს არის მნიშვნელოვანი ნაბიჯი ივანიშვილის ხელისუფლების დასამარცხებლად.

"დღეს ოპოზიციური პარტიები ხელს აწერენ უმნიშვნელოვანეს შეთანხმებას, რომელმაც უნდა უზრუნველყოს ამ ქვეყანაში სამართლიანი და თავისფალი არჩევნების ჩატარება. ეს არის შეთანხმება ამომრჩეველთა ხმების დაცვის შესახებ და ყველა ხელმომწერი პარტია იღებს ვალდებულებას, რომ ისინი დაიცავენ ამომრცევლის ხმას, ისინი დაიცავენ ერთმანეთის ხმებს და არ მიცემენ შესაძლებლობას ხელისუფლებას გააყალბოს არჩევნები.

ეს არის უმნიშვნელოვანესი პოლიტიკური განაცხადი, რომელიც ერთიმხრივ აჩვენებს ოპოზიციის ერთიანობას ამ ბრძოლაში და მეორე მხრივ არის დიდი წინ გადადგმული ნაბიჯი, იმისთვის, რომ ჩატარდეს სამართლიანი არჩევნები, დავიცვათ თითოელი ხმა და არავის არ მიეცეს გაყალბების შესაძლებლობა. ამ პოლიტიკური განაცხადის გარდა, დღევანდელ შეხვედრაზე მიღებული იქნა კონკრეტული გადაწყვეტილებებიც, თუ რა უნდა გაკეთდეს ამ მიმართულებით და გაგაცნობთ დღეს მიღებულ გადაწყვეტილებებს", — აცხადებს ბაქრაძე.

მისი განმარტებით, დღეს პარტიებმა გადაწყვიტეს, რომ შეიქმნება ამომრჩევლის ხმების დაცვის საერთო შტაბი, რომლის ხელმძღვანელიც იქნება პაატა დავითაია.

"შტაბში იქნება წარმოდგენილი ყველა ოპოზიციური პარტია, რომელიც მონაწილეობს ამ პროცესში და ეს იქნება ის სტრუქტურა, რომელიც შეიმუშავებს და ხელმძღავნელობას გაუწევს ყველა იმ ზომას, რომელიც თავიდან აგვარიდეს არჩევნების გაყალბებას და დაიცავს ამომრჩევლის ხმებს.

შტაბი წარმოადგენს კონკრეტული ღონისძიებების ნუსხას, თუ რა უნდა გაკეთდეს ამომრჩევლის ხმების დასაცავად, მათ შორისაა ორი კონკრეტული ნაბიჯი, ერთი ეს არის პარტიებს შორის საერთო მონაცემთა ბაზის შექმნა, სადაც არჩევნების დღეს აისახება ყველა დარღვევა და მეორე, ეს არის საერთო სამოქმედო საკოორდინაციო მექანიზმი, თუ როგორ რეაგირებას მოახდენენ პარტიები ამ ბაზაში ასახულ დარღვევებზე. ამას და სხვა ნაბიჯებს შტაბი საზოგადოებას წარუდგენს ახლო მომავალში", — განაცხადა ბაქრაძემ.

მისივე თქმით, ოპოზიციური პარტიებიც და შტაბიც, ძალიან მჭიდრო კოორდინაციაში იმუშავებენ არასამთავროვო სექტორთან.

"ჩვენ უცხოელ მეგობრებთან, დიპლომატიურ კორპუსთან, იმისთვის რომ ყველამ ერთად საერთო ძალისხმევით დავიცვათ თითოეული ამომრჩევლის ხმა და არ დავუშვათ და არ მივცეთ ამ ქვეყანაში ხელისუფლებას არჩევნების გაყალბების საშუალება.

ვფიქრობ, რომ ეს არის ძალიან სერიოზული განაცხადი ოპოზიციური პარტიების მხრიდან, როგორც პოლიტიკური განაცხადი ერთობის და თავისუფალი არჩევნების შესახებ, ასევე პრაქტიკული და კონკრეტული განაცხადი, იმ სტრუქტურის შესახებ, რომელიც დაიცავს ამომრჩევლების ხმებს", — აცხადებს დავით ბაქრაძე.