ამერიკის შეერთებული შტატებში ისევ პოლიციის საწინააღდეგო აქციები მიმდინარეობს. BBC-ის ინფორმაციით, პროტესტის მიზეზი ის გახდა, რომ ვისკონსინის შტატში პოლიციელმა შავკანიან კაცს ესროლა.

BBC წერს, რომ კაცს პოლიციის ოფიცერმა ზურგში მაშინ ესროლა, როცა ის მანქანაში ჩაჯდომას ცდილობდა. მამაკაცი, რომელიც იდენტიფიცირდება როგორც ჯეიკობ ბლეიკი, საავადმყოფოშია და მისი მდგომარეობა მძიმეა.

უსაფრთხოების თანამშრომლებსა და მაპროტესტებელ მოსახლეობას შორის დაპირისპირება მთელი ღამის მანძილზე მიმდინარეობდა. შეხლა-შემოხლას პოლიციის მანქანების დაწვა მოჰყვა, რის გამოც ოფიცრებმა ცრემლსადენი გაზი გამოიყენეს.

ვისკონსინის გუბერნატორი ტონი ევერსი აღნიშნულ ამბავს სოციალურ ქსელ Twitter-ით გამოეხმაურა:

"ჩვენ ვემიჯნებით ძალის გადაჭარბებულ გამოყენებას და დაუყოვნებლივ ესკალაციას, როდესაც საქმეში ჩართულია შავკანიანი მოსახლეობა", — წერს ევერსი.