ევროვიზია 2016–ზე ქართველმა მონაწილეებმა, ნიკა კოჩაროვმა და Young Georgian Lolitaz–მა, მე–20 ადგილი ადგილი დაიკავეს 104 ქულით. კონკურსის წლევანდელი გამარჯვებული გახდა უკრაინა 534 ქულით. მეორე ადგილზე გავიდა ავსტრალია, მესამე – რუსეთი, მეოთხე – ბულგარეთი, მეხუთე – შვედეთი.

საქართველომ მაქსიმალური 12 ქულა მხოლოდ დიდი ბრიტანეთის ნაციონალური ჟიურისგან მიიღო.

ევროვიზიის ფინალში სულ 26 ქვეყანა იყო გადასული.

ევროვიზიის სიმღერის კონკურსი ერთ-ერთი ყველაზე მასშტაბური ევროპული სატელევიზიო კონკურსია, რომელიც პირდაპირ ეთერში ევროვიზიის სატელიტური ქსელის მეშვეობით გადაიცემა.

კონკურსის შექმნის იდეა 1955 წელს გაჩნდა და პირველი კონკურსიც 1956 წელს გაიმართა. საქართველომ ევროვიზიაში მონაწილეობა პირველად 2007 წელს მიიღო.

ეს არის საქართველოს ევროვიზიის სიმღერის კონკურსში მონაწილეობის შედეგები წლების განმავლობაში:

  • 2007 – სოფო ხალვაში – მე–12 ადგილი
  • 2008 – დიანა ღურწკაია – მე–11 ადგილი.
  • 2009 – სტეფანე და 3G - მოსთხოვეს სიმღერის შეცვლა, რის შემდეგაც მონაწილეობაზე უარი თქვეს.
  • 2010 – სოფო ნიჟარაძე – მე–9 ადგილი.
  • 2011 – ELDRINE – მე–9 ადგილი.
  • 2012 – ანრი ჯოხაძე – ნახევარფინალიდან გამოეთიშა კონკურსს
  • 2013 – ნოდიკო ტატიშვილი და სოფო გელოვანი – მე–15 ადგილი.
  • 2014 – The Shin და მარიკო – ნახევარფინალიდან გამოეთიშნენ კონკურსს.
  • 2015 – ნინა სუბლატი – მე–11 ადგილი.