"არტარეას უყურებთ? თქვენ უყურებთ არტარეას? უყურეთ არტარეას და მიხვდებით, რომ ობიექტურობის ხარისხი ნამდვილად გაეზარდა არტარეას. ამაზე სერიოზულად რა უნდა გიპასუხოთ მეგობრებო", — ასე პასუხობს პრემიერმინსიტრი გიორგი გახარია ჟურნალისტების კითხვას მუქარის წერილზე პროკურატურის განცხადებისა და მასზე ოპოზიციის რეაქციის შესახებ. სწორედ აღნიშნულ წერლში იყო ნახსენები ტელეკომპანია არტარეა და ტივი პირველი, რომლებიც "იმედის ტრენდზე უნდა გადასულიყვნენ".

"ამ სასაცილო ისტორიაში ჩემთვის ყველაზე მნიშვნელოვაი და მთავარი რა იყო, მე ჩემი ვალდებულება, როგორც საქართველოს რიგითი მოქალაქის — გამოძიებასთან თანამშრომლობა — უნდა შემესრულებნა და მე ეს შევასრულე. ისევე, როგორც სხვებმა უნდა შეასრულონ", — განაცხადა გახარიამ.

უწყებაში ამბობენ, რომ დაქტილოსკოპიური ექსპერტიზის შედეგებით დადგინდა, რომ ბადრი ჯაფარიძისა და მამუკა ხაზარაძისთვის გაგზავნილ მუქარის წერილის დედანზე გიორგი გახარიას თითის ანაბეჭდები არ აღმოჩნდა. პროკურატურის ცნობით, წერილის დედანზე ექსპერტიზა სამხარაულის სასამართლო ექსპერტიზის ეროვნულმა ბიურომ ჩაატარა. ექსპერტიზისთვის წერილის გადაცემამდე კი, მამუკა ხაზარაძემ წერილის დედანი საკვლევად ბრიტანულ კერძო კომპანიას გადაუგზავნა.

პროკურატურის ინფორმაციით, ბრიტანული კომპანიისა და სამხარაულის ექსპერტიზის ბიუროს დასკვნები ერთმანეთს ემთხვევა.

ფოტო: პროკურატურა

ლელოს ლიდერები, პროკურატურის განცახდებას წინასაარჩევნოდ გახარიას "გათეთრების" უბადრუკ მცდელობად მიიჩნევენ და მოუწოდებენ პროკურატურას გაარკვიოს, ვისი ანაბეჭდები იყო წერილზე.

გიორგი გახარიასგან სავარაუდოდ მუქარის წერილის მიღების შესახებ თიბისი ბანკის დამფუძნებელმა, მამუკა ხაზარაძემ გასული წლის 4 მარტს პარლამენტში გამოსვლის დროს ისაუბრა. წერილთან დაკავშირებით პროკურატურამ მამუკა ხაზარაძე სასამართლოში გამოკითხა.