პანკისის ხეობაში ჩაცმულობის გამო მამა-შვილზე ძალადობის ბრალდებით კიდევ ერთი პირი. შსს-ს ინფორმაციით, დაკავებულია 2002 წელს დაბადებული ა.ბ.

"მიმდინარე წლის 8 აგვისტოს, სოფელ ყვარელწყალში, 1971 წელს დაბადებულ პირს და მის არასრულწლოვან შვილს ბრალდებულებმა სიტყვიერი და ფიზიკური შეურაცხყოფა მიაყენეს. დაპირისპირების მიზეზი ჩაცმულობის გამო დაწყებული ურთიერთშელაპარაკება გახდა მომხდარ ფაქტზე დაინიშნა შესაბამისი ექსპერტიზები", — აცხადებენ უწყებაში.

მათივე ინფორმაციით, გრძელდება საგამოძიებო ღონისძიებები ინციდენტში მონაწილე სხვა პირთა პასუხისმგებლობის განსაზღვრის მიზნით.

საქმეზე კიდევ ერთი ბრალდებული პოლიციამ გუშინ დააკავა.

ქუჩაში შორტებით გადაადგილების გამო პანკისში მამა-შვილს სცემეს. ინფორმაცია ამის შესახებ ადგილობრივმა მედიამ, პანკისის სათემო რადიომ გაავრცელა. გამოცემა წერს, რომ გელა წელაურსა და მის არასრულწლოვან შვილს სამი ახალგაზრდა თავს სოფელ ყვარელწყლის გადასახვევთან მდებარე კაფესთან დაესხა. შემთხვევა 8 აგვისტოს მოხდა.

ძალადობის ფაქტზე გამოძიება სისხლის სამართლის კოდექსის 126-ე მუხლით
მიმდინარეობს.