სტატისტიკის ეროვნული სამსახურის მონაცემებით, სამრეწველო პროდუქციის მწარმოებელთა ფასების ინდექსი 2016 წლის ნოემბერში, ოქტომბერთან შედარებით, 2,8 პროცენტით გაიზარდა, ხოლო 2015 წლის ნოემბერთან შედარებით, ინდექსი გაზრდილია 1,7 პროცენტით. 2010 წლის საშუალო მონაცემებთან შედარებით კი ინდექსის 27,2-პროცენტიანი ზრდა დაფიქსირდა.

კერძოდ, 2016 წლის ნოემბერში, წინა თვესთან შედარებით, ფასები გაიზარდა დამამუშავებელი მრეწველობის სექციაზე 3,1 პროცენტით.

12-თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ სექციებზე:

  • დამამუშავებელი მრეწველობა, სადაც ფასები გაიზარდა 0,9 პროცენტით და სექციის წვლილმა ინდექსის პროცენტული ცვლილების საერთო მაჩვენებელში 0,80 პროცენტული პუნქტი შეადგინა. ფასები გაიზარდა საკვები პროდუქტების (სასმელების ჩათვლით), თამბაქოს წარმოებისა (5,6 პროცენტი) და მეტალურგიული მრეწველობის და ლითონის მზა ნაწარმის წარმოების (4,7 პროცენტი) ქვესექციებზე;
  • ელექტროენერგიის, აირისა და წყლის წარმოება და განაწილება, სადაც ფასები გაიზარდა 4,9 პროცენტით და შესაბამისად სექციამ 0,61 პროცენტული პუნქტი შეიტანა მთლიანი ინდექსის ცვლილებაში.

სექციაში ფასების მნიშვნელოვანი ზრდა დაფიქსირდა მეტალურგიული მრეწველობისა და ლითონის მზა ნაწარმის წარმოების ქვესექციაზე (8,4 პროცენტი) და საკვები პროდუქტებისა (სასმელების ჩათვლით) და თამბაქოს წარმოების ქვესექციაზე (2,2 პროცენტი).

სამთომოპოვებითი მრეწველობის სექციაზე ფასები გაიზარდა 8,4 პროცენტით და შესაბამისად, სექციამ 0,33 პროცენტული პუნქტი შეიტანა მთლიანი ინდექსის ცვლილებაში.