ჩხოროწყუს საკრებულოს ყოფილი თავმჯდომარე ქართული ოცნების ყოფილი წევრების პარტიას შეუერთდა. როგორც დღეს ჩვენი საქართველო — სოლიდარობის ალიანსში გამართულ ბრიფინგზე განაცხადეს, ბესარიონ ესებუა ჩხოროწყუში პარტიის თავჯდომარე იქნება.

"ჩემს პირად მოვალეობად მიმაჩნია დღეს ამ სიტუაციაში ჩემს თანამოაზრეებთან ერთად ჩემი რესურსი, რაც მე გამაჩნია პირადად, გავიღო იმისთვის, რომ სამართლებრივ ჩარჩოებში, რა თქმა უნდა, აღნიშნული პოლიტიკური ორგანიზაცია საქართველოს პოლიტიკურ სივრცეში დამკვიდრდეს, როგორც ერთ-ერთი გავლენიანი პოლიტიკური ძალა", — განაცხადა ბესარიონ ესებუამ.

ბესარიონ ესებუამ ჩხოროწყუს საკრებულოს თავმჯდომარის თანამდებობა 5 აგვისტოს დატოვა.