ნატოს ჯარების ყოფილი მთავარსარდალი, ახლო აღმოსავლეთის ინსტიტუტის ევროპის ინიციატივის თავმჯდომარე, ფილიპ ბრიდლოვი ამერიკის ხმასთან ინტერვიუში აცხადებს, რომ "საქართველო უკვე გავიდა ფინიშის ხაზზე, როცა საქმე ნატოსთვის გაღებულ წვლილს ეხება".

მისი თქმით, საქართველომ ყველა მოლოდინს გადააჭარბა, როცა საქმე სამხედრო ადაპტაციას თუ წვლილის შეტანას ეხებოდა და, რომ "საქართველოზე მეტი ნატოსთვის არავის გაუღია".

"სამხედრო თვალსაზრისით, მათ ყველაფერი გააკეთეს, რაც ვთხოვეთ. მათ ყველა მოლოდინს გადააჭარბეს, როცა საქმე სამხედრო ადაპტაციას და წვლილის შეტანას ეხება. ჩემი აზრით, საქართველო უკვე გავიდა ფინიშის ხაზზე, როცა საქმე ნატოსთვის გაღებულ წვლილს ეხება", — აცხადებს ბრიდლოვი.

მან ასევე აღნიშნა, რომ ერთ სულ მოსახლეზე არავის ჰყავს იმდენი ჯარისკაცი ავღანეთში და არავის დაუკარგავს იმდენი, რამდენიც საქართველოს.

"როცა საქართველოს ზომაზე ფიქრობ და აცნობიერებ იმას, თუ რამდენი გაიღო ქვეყანამ, დაინახავ, რომ ავღანეთის მისიაში მათზე მეტი წვლილი არავის მიუძღვის", — აცხადებს ფილიპ ბრიდლოვი.