საქართველოს სტატისტიკის ეროვნულმა სამსახურმა გამოაქვეყნა საარსებო მინიმუმის ახალი მონაცემები მიმდინარე წლის ნოემბრისთვის. ამ მონაცემების მიხედვით, საარსებო მინიმუმი ლარებში, მცირედით გაიზარდა.

შრომისუნარიანი ასაკის მამაკაცის საარსებო მინიმუმმა 2016 წლის ნოემბერში შეადგინა 161,40 ლარი, რაც 1,30 ლარით მეტია წინა თვის მაჩვენებელზე.

ნოემბერში 1,1 ლარით მოიმატა საშუალო მომხმარებლის საარსებო მინიმუმმა და გახდა 142,90 ლარი, ხოლო საშუალო ოჯახის საარსებო მინიმუმი გახდა 270,70 ლარი, ნოემბერში ეს მაჩვენებელი 268,50 ლარი იყო.

საარსებო მინიმუმი არის ის მინიმალური შემოსავალი, რომელიც საჭიროა ადამიანის არსებობისა და აუცილებელი მოთხოვნების დასაკმაყოფილებლად.

2004 წლიდან საქსტატი საარსებო მინიმუმის მაჩვენებლებს ანგარიშობს იმ მინიმალური სასურსათო კალათის მიხედვით, რომელიც განსაზღვრულია და დადგენილია ,,საკვებ ნივთიერებებსა და ენერგიაზე ორგანიზმის ფიზიოლოგიური მოთხოვნილებებისა და საარსებო მინიმუმის განსაზღვრისათვის საჭირო სასურსათო კალათის შემადგენლობის ნორმებისა და ნორმატივების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2003 წლის 8 მაისის N111/ნ ბრძანების შესაბამისად.