The Associated Press სირიელი აქტივისტების ინფორმაციით ტვიტერზე წერს, რომ სამთავრობო ძალებმა იმ სასწრაფო დახმარების მანქანებს ესროლეს, რომლებიც აღმოსავლეთ ალეპოდან გასვლას ცდილობდნენ. მათი ცნობით, სულ მცირე სამი ადამიანი დაშავდა.

ამავე ინფორმაციას წერს სირიის სამოქალაქო თავდაცვის ორგანიზაცია, რომ უკვე მეორედ, ევაკუაციის პროცესი შეჩერდა, რადგან ასადის რეჟიმმა ცეცხლის შეწყვეტის შეთანხმება დაარღვია, სწორედ მაშინ როდესაც ქალაქიდან დაშავებულები გაჰყავდათ.

ცეცხლის შეწყვეტის შეთანხმების მიუხედავად, ალეპოდან, ათასობით მშვიდობიან მოქალაქისა და ამბოხებულის ქალაქიდან გასვლა ისევ ფერხდება. ევაკუაცია პირველად გადაიდო გუშინ, 14 დეკემბერს. კონფლიქტის მხარეები ცეცხლის შეწყვეტის შეთანხმების დარღვევაში ერთმანეთს ადანაშაულებენ.