უცხო ენის სწავლა თუ გინდა, მზად უნდა იყო, რომ მარცხსაც არაერთხელ იწვნევ. ხშირად აგერევა წინადადების წყობა, სქესი და თვით ყველაზე მარტივი სიტყვებიც კი. ამ დროს სიამაყე უნდა დაივიწყო და მიხვდე, რომ უცხო ენის სწავლა მხოლოდ ასეა შესაძლებელი — მთავარია მცდელობა, პატარა შეცდომები კი არავის ადარდებს.

მიუხედავად ამისა, უცხო სიტყვების დავიწყებამ არაერთი დაუვიწყარი მომენტი შეიძლება შექმნას (see what I did there?). ცოტა ხნის წინ ტვიტერზე ერთმა მომხმარებელმა დაწერა, რომ მის შეყვარებულს, რომლის მშობლიური ენაც ფრანგულია, ინგლისურად დაავიწყდა სიტყვა "თავსახური", ამიტომაც ქვაბი აიღო და იკითხა "ამის ქუდი სადაა?".

"ჩემი შეყვარებულის მშობლიური ენა ფრანგულია და [ინგლისურად] 'თავსახური' ვერ გაიხსენა, ამიტომ ქვაბი აიღო და იკითხა: 'ამის ქუდი სადაა?'"

ეს ფრაზა ხალხს იმდენად შეუყვარდა, რომ უკვე თითქმის 800 000-მა ადამიანმა მოიწონა მისი პოსტი, ძალიან ბევრი კი თავისი ისტორიით გამოეხმაურა და სხვა ინგლისური სიტყვების "ჩანაცვლების" საკუთარ ამბავზე დაწერა. იხილეთ მათგან გამორჩეულად სასაცილო 15 შემთხვევა:

1. სკუნსი

"მოკლედ, კოლეგებისთვის უნდა ამეხსნა, რა იყო სკუნსი. მაღალფარდოვანი სიტყვებით ვერ მოვახერხე და მერე ვთქვი: 'შავ-თეთრი კუანა ციყვი'. ჰო, ვნანობ შერჩეულ სიტყვებს, მაგრამ მიხვდნენ."

ფოტო: Walt Disney Productions

2. ჩირაღდანი

"ამას წინათ 'ჩირაღდანი' ვერ გავიხსენე და დავგუგლე 'ცეცხლი ჯოხზე'. ინგლისურის ორი ხარისხი მაქვს"

3. ხბო

"ჩემი ყოფილი შეყვარებული შვეიცარიელია და ვერ გაიხსენა სიტყვა 'ხბო', ამიტომაც 'ძროხის ლეკვი' დაუძახა. დღემდე ერთ-ერთი ყველაზე საყვარელი რამაა, რაც მომისმენია"

4. ქათამი

"ეს იმ ტვიტს ჰგავს, კაცმა რომ 'ქათამი' ვერ გაიხსენა ინგლისურად, კვერცხზე მიუთითა და იკითხა: 'დედა სადაა?'"

ფოტო: Aardman Animations

5. თვლა

"სიტყვა 'თვლა' ვერ გავიხსენე და ჩემს მეგობარს ვუთხარი, 'რიცხვების ანბანი გააკეთე'".

6. ღამე

"ჩემს მეგობარს (რომლის მშობლიური ენაც ინგლისურია) ერთხელ 'ღამის' აღმნიშვნელი სიტყვა დაავიწყდა და 'ბნელი დრო' დაუძახა"

7. კრაზანა

"ჩემი მშობლიური ენაც ფრანგულია და სტაჟირებისას დამავიწყდა სიტყვა 'კრაზანა', ჰოდა, მის ნაცვლად 'გაბრაზებული ფუტკარი' ვთქვი. მგონი, კარგია"

ფოტო: Tenor

8. სენდვიჩი

"ჩემს შეყვარებულს 'სენდვიჩი' დაავიწყდა და ასე ახსნა: 'რას ეძახი პურს, მერე საჭმელს და მერე ისევ პურს?'"

9. ასანთი

"სუპერმარკეტში დამავიწყდა, ფრანგულად 'ასანთი' როგორ იყო და 'ხის პატარა ნაჭრები ცეცხლით' ვითხოვე. ნუ, ის ტიპი მიხვდა"

10. ჯიში

"'ძაღლის ჟანრი'. ჯიშის აღმნიშვნელი სიტყვა დამავიწყდა"

ფოტო: Tenor

11. შუაღამე

"ერთი წამით 'შუაღამე' ვერ გავიხსენე და 'ღამის შუადღე' დავუძახე"

12. ხელსახოცი

"ადრე ერთ ჩინელთან ერთად ვცხოვრობდი და დაავიწყდა სიტყვა 'ხელსახოცი'. ამის ნაცვლად 'სამზარეულოს ტუალეტის ქაღალდი' დაუძახა. საყვარლობაა"

13. ქოლგა

"ჩემი მშობლიური ენა ინგლისურია და ინგლისში როცა ვიყავი, ქოლგის ყიდვა მინდოდა, მაგრამ დამავიწყდა, ქოლგა რა იყო, ამიტომ უბრალოდ მივედი ტიპთან და ვუთხარი: 'აი, წვიმაში რომ აქვთ ხოლმე თავზემოთ, ეგ მინდა'. 'ქოლგა?', მკითხა. იდიოტივით დავეთანხმე"

ფოტო: Warner Bros. Pictures

14. ნათურა

"ერთ ბრაზილიელს ვიცნობ, 'ბეჭდებს' ეძახდა 'ხელის ყელსაბამებს'. ერთხელ მაღაზიაში წავედით ნათურების საყიდლად. კონსულტანტისთვის უნდა ეკითხა, საით იყო ნათურები, მაგრამ სიტყვა ვერ გაიხსენა და ასე აღწერა: 'მზის სინათლე შენი სახლისთვის'"

15. ნაცრისფერი

"ბნელი თეთრი — ნაცრისფერი..."

ფოტო: Universal Pictures