"საქართველოს შეუძლია ეუთოს წევრ ბევრ ქვეყანას, მათ შორის მოსკოვის მექანიზმის ინიციატორ არაერთ ქვეყანას, იქით ასწავლოს დემოკრატია", — თქვა ირაკლი კობახიძემ ბრიფინგზე, სადაც "მოსკოვის მექანიზმის" ანგარიშზე აკეთებდა განცხადებას. მისივე თქმით, შესაბამისი კანონმდებლობა, რომლის გაუქმებასაც მოსკოვის მექანიზმის ანგარიში ითხოვს, არათუ არ უნდა გაუქმდეს, არამედ ზედმიწევნით აღსრულდება.

"საქართველოს საკონსტიტუციო სასამართლოში სარჩელის შეტანა და სისხლის სამართლის საქმეების აღძრა ქვეყნის შიდა საქმეებში დამაში ქვეყნის გარედან ვერავინ ჩაერევა. სამართლის საქართველოში სამართლის უზენაესობა პოლიტიკურ კონიუნქტურას არც მომავალში დაექვემდებარება და მყარად იქნება დაცული. საქართველოში დაცული უნდა იყოს მედიის ობიექტურობის სტანდარტები და 150 პოლიტიკურ აქტივისტს არ უნდა ჰქონდეს დანარჩენ მოსახლეობაზე ძალადობის უფლება. აქედან გამომდინარე, შესაბამისი კანონმდებლობა არათუ არ უნდა გაუქმდეს, არამედ ზედმიწევნით აღსრულდება. საქართველო არის დემოკრატიული სახელმწიფო, რომელსაც შეუძლია ეუთოს წევრ ბევრ ქვეყანას, მათ შორის მოსკოვის მექანიზმის ინიციატორ არაერთ ქვეყანას, იქით ასწავლოს დემოკრატია, ადამიანის უფლებები, შემწყნარებლობა, შეკრების თავისუფლება,მედიის თავისუფლება, მედიაპლურალიზმი და დემოკრატიული არჩევნები და ბევრი სხვა რამ. ამ თემაზე შეგვიძლია გავმართოთ საჯარო დებატები ყველასთან, ვისაც ობიექტურობაზე აქვს პრეტენზია", — თქვა ირაკლი კობახიძემ ბრიფინგზე, სადაც "მოსკოვის მექანიზმის" ანგარიშზე აკეთებდა განცხადებას.

ამავე ბრიფინგზე მას ჟურნალისტმა ჰკითხა არის თუ არა იმის შესაძლებლობა, რომ ეუთოს მოსკოვის მექანიზმის ანგარიში გასაჩივრდეს. რაზეც კობახიძემ განაცხადა, რომ "მოსკოვის მექანიზმის ანგარიშის გასაჩივრება ტექნიკურად შეუძლებელია და არც არის საინტერესო". მისივე თქმით, ამ "დოკუმენტი არის ფარატინა ქაღალდი და არავითარი ფასი არ აქვს.

"მოსკოვის მექანიზმის ანგარიშის გასაჩივრება ტექნიკურად, მე მგონი, შეუძლებელია და არც არის საინტერესო. ეს არის ფარატინა ქაღალდი, ასე ვიტყოდი, არავითარი ფასი ამ დოკუმენტს არ აქვს. დაახლოებით იგივე ფასი აქვთ, დაახლოებით იგივე ფასი აქვს, რაც ევროპარლამენტის უკვე მეშვიდე რეზოლუცია, რომელიც დამტკიცდა ქართველი ხალხის და მის მიერ არჩეული ხელისუფლების წინააღმდეგ. აქედან გამომდინარე, არც ტექნიკურადაა შესაძლებელი და არც აქტუალური არაა ამ დოკუმენტის გასაჩივრება", — თქვა ირაკლი კობახიძემ ბრიფინგზე.