საქართველოს შინაგან საქმეთა სამინისტროს ინფორმაციით, უცხო ქვეყნის ოთხმა მოქალაქემ საქართველოს საზღვრის უკანონოდ გადმოკვეთა სცადა. უწყებაში ამბობენ, რომ ბრალდებულებმა ქვეყანაში შემოსვლა სომხეთის რესპუბლიკიდან სცადეს. ისინი საქართველოს სახელმწიფო საზღვრის უკანონოდ, ჯგუფურად გადაკვეთის ბრალდებით დააკავეს.

გამოძიება საქართველოს სისხლის სამართლის კოდექსის 344-ე მუხლის მე-2 ნაწილის "ა" ქვეპუნქტით მიმდინარეობს, რაც საქართველოს სახელმწიფო საზღვრის უკანონოდ, ჯგუფურად გადაკვეთას ითავლისწინებს და ოთხიდან ხუთ წლამდე ვადით თავისუფლების აღკვეთით ისჯება.