ევროპული საქართველოს ერთ-ერთი ლიდერი, გიორგი კანდელაკი ამბობს, რომ აქვს ინფორმაცია, რის გამოც მთავრობა უარს ეუბნება ავიაკომპანიებს, განსაკუთრები wizzair-ს და Ryanair-ს, საქართველოს მიერ უსაფრთხოდ გამოცხადებული ქვეყნებიდანვე ფრენების დაწყებაზე. დეპუტატის თქმით, ამის მიზეზია შიში, რომ არჩევნებისთვის საქართველოს მოქალაქეები დაბრუნდებიან.

"ჩვენ მოვიპოვეთ ინფორმაცია, რომლის თანახმადაც, ერთ-ერთი მიზეზი, რის გამოც ძალაშია ეს აკრძალვა, არის შიში იმისა, რომ ევროპაში მცხოვრები საქართველოს მოქალაქეების ნაწილი დაბრუნდება საქართველოში არჩევნებისთვის და ხმას მისცემს ქართული ოცნების წინააღმდეგ", — განაცხადა კანდელაკმა და დაამატა, რომ აღნიშნული ინფორმაციის წყარო მთავრობის შიგნით არის.

მისივე განცხადებით, სწორედ ამიტომ არ შეყავს საქართველოს მთავრობას უსაფრთხო ქვეყანათა რიგებში პოლონეთი და საბერძნეთი.

კანდელაკის განცხადებით, საბერძნეთიდან, სავარაუდოდ, ბევრად მეტი ქართველი დაბრუნდება, ვიდრე საფრანგეთიდან და ისინი, დიდი ალბათობით, ქართული ოცნების წინააღმდეგ მისცემენ ხმას.